• கதைகளைப் படிக்க தளத்தில் ரிஜிஸ்டர் செய்து கொள்ளுங்கள்.👉ரிஜிஸ்டர் செய்வது எப்படி? உங்கள் கருத்துக்களை தளத்தில் பதிவு செய்யுங்கள்.
Nithya Mariappan
Reaction score
2,184

Profile posts Latest activity Postings About

  • #ஒருகாதலும்சில_கவிதைகளும் எபி 28
    உமா அங்கே கழற்றிப்போடப்பட்டிருந்த செருப்பைக் கண்டதும் கோபம் தாளாமல் அதைக் கையில் எடுத்தார்.
    ஆவேசமாக மூர்த்தியை நெருங்கியவர் மாறி மாறி அவரது கன்னத்தில் மொத்த கோபத்தையும் காட்டி செருப்பால் அடிக்கத் துவங்கினார்.
    ‘ஷப் ஷப்’பென செருப்பால் அடித்தவரின் கை தனியே கழண்டுவிடுவது போல வலித்தது என்றால் அடி வாங்கிய மூர்த்திக்கு எப்படி வலித்திருக்கும்?
    அடித்து கை ஓய்ந்த பிறகு செருப்பைத் தரையில் வீசிய உமா “இனிமே உனக்கும் எனக்கும் எந்தச் சம்பந்தமும் இல்லய்யா… நீ எக்கேடு கெட்டாலும் எனக்குக் கவலை இல்ல” என்று கத்த
    “வாயை மூடுடி… என் தயவுல தான இத்தனை நாள் ஆடம்பர வாழ்க்கை வாழ்ந்த… அப்பிடி என்ன நான் பண்ணிட்டேன்? ஏதோ சபலத்துல கொஞ்சம் தடுமாறிட்டேன்… நான் ஆம்பளைடி… அப்பிடி இப்பிடி தான் இருப்பேன்… என்னை நம்பி வந்த நீ இதை அட்ஜஸ்ட் பண்ணணும்… இல்லனா நீயும் உன் பிள்ளையும் அடுத்த வேளை சாப்பாட்டுக்கு நடுத்தெருவுல தான் நிக்கணும்” என்றார் மூர்த்தி கொஞ்சமும் குற்றவுணர்ச்சி இல்லாமல்.
    உமாவுக்கு வந்த ஆத்திரத்தை மறைக்காமல் வார்த்தையில் காட்டினார்.
    “சீ! உன்னை மாதிரி பொண்டாட்டிக்கு உண்மையா இருக்க முடியாதவன் கூட ஆடம்பர வாழ்க்கைக்கு ஆசைப்பட்டு நான் இருப்பேன்னு நினைச்சியா? எந்தக் காலத்துல நீ வாழுற? இந்தக் காலத்துல எந்தப் பொண்ணும் ஆடம்பர வாழ்க்கைக்காக புருசனோட ஒழுக்கக்கேட்டை அட்ஜஸ்ட் பண்ணிட்டுப் போகமாட்டா… நான் ஏன்யா உன் கேவலமான குணத்தை அட்ஜஸ்ட் பண்ணணும்? நீ வக்கிரம் பிடிச்சவன் மட்டுமில்ல, மனோவியாதி உள்ளவன்… உன்னைச் சட்டம் சும்மாவிடாது… நீயாச்சு உன் பணமும் பவுசுமாச்சு… இதை நீயே வச்சு அழு… இத்தனை நாள் என் புருசனோட அன்பு உண்மையானதுனு கண்மூடித்தனமா நம்புனதால இங்க இருந்தேன்… எப்ப நீ இவ்ளோ கேவலமானவன்னு தெரிஞ்சுதோ அப்பவே உனக்கும் எனக்குமான உறவை மானசீகமா முறிச்சிட்டேன்”
    மூர்த்தியிடம் ஆவேசமாகப் பேசிவிட்டு ஆனந்தின் கையைப் பிடித்துக்கொண்டு சமாதானபுர வீட்டிலிருந்து கிளம்பியவர் தந்தையிடம் அனைத்தையும் கூறிவிட்டு அறையில் வந்து அமர்ந்ததோடு சரி, பின்னர் யாரிடமும் பேசவில்லை.

    https://ezhilanbunovels.com/nandhavanam/index.php?threads/காதல்-28.5469/

    #நித்யாமாரியப்பன்
    #ஒருகாதலும்சில_கவிதைகளும் எபி 27
    சரபேஸ்வரன் அலுவலக உடையை மாற்றிவிட்டு வந்தவன் “நைட் டின்னருக்கு என்ன கவி?” என்று கேட்டபடி அவளருகே அமர்ந்தான்.
    “உப்புமா”
    அந்தப் பதிலில் தூக்கி வாரிப்போட்டது அவனுக்கு.
    “சேமியா உப்புமாவா? ரவா உப்புமாவா?”
    சங்கவி அவனது கேள்விக்குப் பதில் சொல்லாது புருவத்தை உயர்த்தவும் காரணத்தைக் கூறினான் சரபேஸ்வரன்.
    “எனக்கு உப்புமா சுத்தமா பிடிக்காது... கல்யாணத்துக்கு முன்னாடி எங்கம்மா எனக்குப் பிடிக்காதுனு உப்புமா செய்யவே மாட்டாங்க தெரியுமா? சேமியா உப்புமா கூடப் பரவால்ல... ரவா உப்புமா இஸ் ஈக்வல் டு ஆலகால விசம்”
    “குடும்பஸ்தன் ஆனதுக்குக் கிடைக்குற முதல் ரிவார்ட் இந்த உப்புமா தான்... இனிமே நான் வெண்ணி போட்டுக் குடுத்தாலும் அதைப் பாயாசம்னு நினைச்சுக் கண்ணை மூடிக் குடிச்சுட்டுப் பாராட்டப் பழகிக்கோங்க”
    சங்கவிக்கு இருந்த அலுப்பில் அவள் பொறுமையாகப் பதில் சொன்னதே பெரிது!
    சரபேஸ்வரனுக்கும் வேலைப்பளு அதிகமே! என்ன செய்யலாமென யோசித்தவன் திடுதிடுப்பென “கிளம்பு கவி” என்கவும் சங்கவி திகைத்தாள்.
    “எங்க?”
    “லாங் ட்ரைவ் போயிட்டு வருவோம்”
    “இப்பவா? இப்பிடியேவா?”
    சங்கவி தன்னையும் அவனையும் மாறி மாறிப் பார்த்துக்கொண்டாள்.
    டீசர்ட்டும் பளாசோவும் அணிந்து க்ளட்சில் அடக்கிய கூந்தல் அலங்காரம் அவளுடையது. முட்டி வரை ஷார்ட்சும் டீசர்ட்டும் சரபேஸ்வரனின் உடை. இதோடா ‘லாங் ட்ரைவ்’ போக முடியும் என்பது அவளது கேள்வி.
    ஆனால் சரபேஸ்வரனோ அவளைக் கையோடு இழுத்துச் சென்று பைக்கில் அமரச் சொல்லிவிட்டான்.
    “நாம எங்க தான் போறோம்?”
    “போரூர் டோல்கேட் வரைக்கும் போயிட்டு வருவோம்”
    “எதே? இதைத் தான் லாங் ட்ரைனு சொன்னிங்களா?”
    கடுப்போடு பைக்கின் சைலன்சரை உதைத்தாள் சங்கவி. அது சற்று சூடாக இருக்கவும் “ஐயோம்மா” எனக் காலை உதறியவளைப் பார்த்துப் பொங்கி வந்த சிரிப்பை அடக்கச் சிரமப்பட்டான் சரபேஸ்வரன்.

    https://ezhilanbunovels.com/nandhavanam/index.php?threads/காதல்-27.5463/

    #நித்யாமாரியப்பன்
    #ஒருகாதலும்சில_கவிதைகளும் எபி 26
    மனைவியின் நடத்தையில் தெரிந்த மாற்றங்களை மூர்த்தி கவனிக்காமல் இல்லை. அவர் அவ்வபோது பிறந்தகத்துக்குச் சென்று வருவது மூர்த்திக்கு நன்றாகவே தெரியும்.
    தன்னிடம் பொய் சொல்லிவிட்டுச் செல்லும் மனைவியிடம் கண்டிப்பு காட்டப்போய், அவள் தனது நடவடிக்கைகளைக் கேள்வி கேட்க ஆரம்பித்துவிட்டால் என்ன செய்வது?
    எனவே எதுவும் தெரியாதவரைப் போல காட்டிக்கொண்டார் மூர்த்தி.
    இருப்பினும் அவ்வபோது கண்டிப்பான கணவன் போல நடந்து கொள்ள தவறமாட்டார்.
    இப்போது மனைவி அவளது தம்பியின் எண்ணுக்கு அழைத்ததையும் ஏமாற்றத்துடன் நிற்பதையும் ஓரக்கண்ணால் கவனித்தபடி பள்ளிக்குக் கிளம்பிக்கொண்டிருந்தார் அந்த மனிதர்.
    “ஏன் பேயறைஞ்ச மாதிரி இருக்க உமா?”
    கணவரின் கேள்வியில் சுயம் தெளிந்து “என்ன கேட்டிங்க?” என்றார் உமா.
    “நான் கேட்டது கூட உன் காதுல விழாதளவுக்கு என்ன சிந்தனை? உன் பிறந்தவீட்டை பத்தி யோசிக்கிறியா?”
    “ஐயோ இல்லங்க”
    உமாவின் பதற்றத்தைக் கண்டு கர்வம் கொண்டவர் “அவங்களைப் பத்தி யோசிக்காம இருக்குறது உனக்கும் உன் மகனுக்கும் நல்லது… உன் தம்பி பொண்டாட்டி என் டியூசன் சென்டர்ல சேர வந்த பொண்ணு ஃபேமிலி கிட்ட என்னைப் பத்தி கண்டதையும் சொல்லி என் பேரை எப்ப ரிப்பேர் ஆக்குனாளோ அப்பவே அவங்களுக்கும் உங்களுக்கும் எந்த உறவும் இல்லனு ஆகிடுச்சு… அவளால என் கிட்ட படிக்கிற பசங்க என்னை ஒரு மாதிரி பாக்க ஆரம்பிச்சிட்டாங்க… நைட் ஸ்டடிக்கு டியூசன் சென்டர்ல இருக்குறதுக்கு சின்னப்பொண்ணுங்களோட ஃபேமிலி யோசிக்கிறாங்க… சொத்து பத்து, ஸ்கூல் வருமானத்தை விட டியூசன் சென்டர் வருமானம் தான் நம்மளை சொசைட்டில கௌரவமா வாழ வச்சிட்டிருக்குங்கிறதை மறந்துடாத… அதுக்குக் கொள்ளி வைக்கப் பாத்தவ இருக்குற வீட்டை பத்தி இனிமே நீ யோசிக்கக்கூடாது… இந்த வாரம் என் டியூசன் சென்டர் பிள்ளைங்களை மாமல்லபுரம் டூர் கூட்டிட்டுப் போறேன்… உன் மகனும் வருவேன்னு அடம்பிடிப்பான்… அவனைக் கண்ட்ரோல் பண்ணி வீட்டுல உக்காந்து படிக்கச் சொல்லு” என்று சொல்லிவிட்டுக் கிளம்பினார்.
    அவர் கிளம்பியதும் உமாவின் மனம் சோர்ந்து போனது.
    சோர்ந்த மனம் சங்கவி என்ற ஒருத்தியைத் தம்பி காதலிக்காமல் இருந்திருந்தால் எவ்வளவு நன்றாக இருந்திருக்குமென யோசித்தது.

    http://ezhilanbunovels.com/nandhavanam/index.php?threads/காதல்-26.5454/

    #நித்யாமாரியப்பன்
    #ஒருகாதலும்சில_கவிதைகளும் epi 25
    "அவசரப்படாத ப்ளீஸ்... கொஞ்சநாள் தான... நம்ம வீட்டுலயே இரு"
    சரபேஸ்வரன் அவளிடம் கிட்டத்தட்ட கெஞ்சினான்.
    உடனே சத்தமாக நகைத்தாள் அவள்.
    "நம்ம வீடா? இது உங்க வீடு... இதை நான் எப்பவும் என் வீடா ஃபீல் பண்ணுனதில்ல... உங்கம்மாவும் அக்காவும் என்னை இந்த வீட்டு மனுசியா நடத்தியிருந்தா அப்பிடி தோணிருக்குமோ என்னமோ... அவங்க என்னை வேண்டாத ஒருத்தியா தான நடத்துனாங்க... இன்னொரு தடவை இதை நம்ம வீடுனு சொல்லாதிங்க"
    “கவி…”
    “நீங்க என்னை லவ் பண்ணுறது உண்மைனா என்னைப் போகவிடுங்க… சென்னைல வேலை, வீடு அரேஞ்ச் பண்ணிட்டு ட்ரெயின் ஏறுறப்ப இன்ஃபார்ம் பண்ணுங்க… இப்பவும் இவங்க தான் முக்கியம்னு நினைச்சிங்கனா என்னை விட்டுடுங்க சரபன்… இப்பிடி ஒரு கையாலாகாத மனுசனுக்குப் பொண்டாட்டியா இருக்குறதை விட காலம் முழுக்க எங்கம்மாக்கு மகளா நான் வாழ்ந்துட்டுப் போயிடுறேன்”
    மனக்குமுறல்களைச் சொல்லிவிட்டுச் சரபேஸ்வரனின் பதிலை எதிர்பாராதவளாக கிளம்பிப் போய்விட்டாள் சங்கவி.
    சரபேஸ்வரனின் கண்கள் பனித்தன. ஆண்கள் அழக்கூடாதா என்ன? உண்மையான அன்பு விலகும் போது அவர்களும் அழுவார்கள், அந்த அன்பை மதிப்பவர்களாக இருந்தால்!
    உமாவும் குழலியும் இப்படி ஒரு எதிர்வினையை எதிர்பார்க்கவில்லை. இப்போது சரபேஸ்வரனின் வாழ்க்கை கேள்விக்குறியானதற்கு வருந்துவதா அல்லது அவன் சென்னைக்குப் புலம்பெயர்வதை நினைத்து மனம் பொருமுவதா என புரியாமல் இரண்டுங்கெட்டான் மனநிலையில் இருந்தார்கள்.

    https://ezhilanbunovels.com/nandhavanam/index.php?threads/காதல்-25.5444/

    #நித்யாமாரியப்பன்
    #ஒருகாதலும்சில_கவிதைகளும் எபி 24
    “இன்னைக்கு வளைகாப்புல கோமதிக்கு வளையல் போடுறப்ப அடுத்து எனக்குத் தான் வளைகாப்புனு எல்லாரும் கிண்டல் பண்ணுனாங்க”
    “எதே? ஜீபூம்பானதும் வளைகாப்பு வச்சிட முடியுமா? அதுக்கு இன்னும் ஃபர்ஸ்ட் ஸ்டெப்பே எடுத்து வைக்கலயே”
    நொந்து போய் பேசியவனைக் குறுஞ்சிரிப்போடு பார்த்தாள் சங்கவி.
    “யார் உங்களை ஃபர்ஸ்ட் ஸ்டெப் எடுக்கவிடாம தடுத்தாங்களாம்?”
    சீண்டினாள் அவள். சரபேஸ்வரன் அவளது சீண்டலில் திகைத்துப்போனான்.
    “ஏய் கவி! நீ என் கிட்ட விளையாடுறியா? டேர்ம்ஸ் அண்ட் கண்டிசன்ஸ் ஞாபகம் இருக்கா?”
    பொறுப்பான கணவனாக நினைவூட்டினான் மனைவிக்கு. அவன் மனைவியோ அசட்டையாக தோளைக் குலுக்கினாள்
    “டேர்ம்ஸ் அண்ட் கண்டிசன்ஸை டெலிட் பண்ணிட்டேன்… இன்னுமா உங்களுக்குப் புரியல?”
    “உன்னோட இந்த வார்த்தைய நான் ‘நோ அப்ஜெக்சன் சர்டிபிகேட்னு’ எடுத்துக்கலாமா?”
    “நான் எவ்ளோ ஆசையா பேசுறேன்… இப்ப கூட புரொபஷ்னல் வேர்ட்ஸ் தான் யூஸ் பண்ணுவிங்களா? உண்மைய சொல்லுங்க, அந்த எகனாமிக்ஸ் நோட்ல இருக்குற கவிதைய நீங்க தான் எழுதுனிங்களா?”
    “ப்ராமிஷா நான் தான் எழுதுனேன் கவி... இப்ப எனக்குக் கவிதை சொல்லுற மூட் இல்ல… இல்லனா அழகா ஒரு கவிதைய எடுத்து விட்டிருப்பேன்”
    “நம்பிட்டேன்”
    அவள் இழுத்த விதத்தில் சிரித்தவன் “சில கவிதைய சொல்லுறதை விட செயல்ல காட்டுனா நல்லா இருக்குமாம்” என்றான் விசமமாக.
    சங்கவி மீண்டும் நாணத்தில் பிடியில் சிக்கிக்கொண்டாள்.

    https://ezhilanbunovels.com/nandhavanam/index.php?threads/காதல்-24.5442/

    #நித்யாமாரியப்பன்
    #ஒருகாதலும்சில_கவிதைகளும் epi 23
    சங்கவி வியப்பில் விழிகளை விரித்தாள்.
    “ஏன் இப்பிடி பாக்குற?” என்றவனிடம்
    “நீங்க எனக்காக யோசிக்கிறது புதுசில்ல… பட் உங்க அம்மா அக்காவ தாண்டி எனக்காக யோசிக்கிறிங்கல்ல, அது எனக்குப் புதுசு தான்” என்றாள் அவள்.
    “அம்மாக்கு அப்பா இருக்குறார்… அக்காக்கு அவ பையன் இருக்குறான்… எனக்கு நீ மட்டும் தான இருக்குற? உனக்காக யோசிக்காம வேற யாருக்காக நான் யோசிக்கப்போறேன் சொல்லு”
    சங்கவியின் மனம் சிலிர்த்து அடங்கியது. ஆனால் எல்லாம் ஒரு நொடி தான். இவன் உணர்ச்சிப்பூர்வமாக எதையாவது சொல்வதும், அதற்கு அவள் சிலிர்த்து மானசீகமாகச் சில்லறையைச் சிதறவிடுவதும், அடுத்த நாளே இவனது செய்கைகளில் மாற்றமில்லையென அவள் ஏமாறுவதும் வாடிக்கையாகிவிட்டதே இந்த இரு வாரங்களில்!
    இன்று இப்படி சொல்பவன் நாளையே மாற்றிப் பேசினால்?
    “இந்தத் தடவை உனக்கு ஏமாற்றம் இருக்காது கவி”
    “பாக்கலாம் சரபன்”
    தோளில் இருந்த அவனது கரத்தை விலக்கிவிட்டுச் செல்ல முயன்றவளை சீண்டும் எண்ணம் எழுந்தது அவனுக்குள்.
    “சந்தானம் சார் வீட்டுல இப்பவும் அவங்க ஒய்ப் தான் அவருக்கு எண்ணெய் தேய்ச்சு குளிக்க வைப்பாங்களாம்… உனக்கு வேலை இல்லனா நீயும்…”
    சரபேஸ்வரன் இழுக்கவும் கண்களில் அனலோடு திரும்பினாள் சங்கவி.
    “நானும்…” கண்களை உருட்டிக் கேட்டாள் அவள்.
    “குளிக்கக் கொஞ்சம் ஹெல்ப் பண்ணலாமேனு சொல்ல வந்தேன்மா… அதுக்கு ஏன் கோவப்படுற? புதுசா கல்யாணம் ஆன பொண்ணு மாதிரி ஒரு நாளாச்சும் நடந்துக்குறியா? எப்பவும் எதிரி மாதிரியே பாக்குற”
    https://ezhilanbunovels.com/nandhavanam/index.php?threads/காதல்-23.5437/

    #நித்யாமாரியப்பன்
    #ஒருகாதலும்சில_கவிதைகளும் எபி 22

    சங்கவி உஷ்ணத்தோடு சொல்லி முடித்த தருவாயில் சமையலறையிலிருந்து வெளியே வந்தார் குழலி.
    “அவரு இந்த வீட்டோட மாப்பிள்ளை… அதுக்காக நீ அவரை மதிச்சு தான் ஆகணும்”
    “உங்க வீட்டு மாப்பிள்ளைனா நீங்க மதிங்க… சின்னப்பொண்ணுங்க கிட்ட வக்கிரமா நடந்துக்கிறவனை எல்லாம் என்னால மதிக்க முடியாது… அப்பிடி மதிச்சா தான் இந்தக் குடும்பத்துல வாழமுடியும்னா எனக்கு இந்த வாழ்க்கையே தேவையில்ல… உங்களோட குத்தல் பேச்சு எதையும் கண்டுக்காம போறதால எல்லாத்துக்கும் தலையாட்டிட்டுப் போயிடுவேன்னு நினைக்காதிங்க… நீங்க பாதுகாக்குறது ஒரு மனோவியாதி பிடிச்சவனை… ஒரு நல்ல அம்மாவா நீங்க உங்க மகளுக்கு அவங்க புருசனோட வக்கிர குணத்தை பத்தி சொல்லிருக்கணும்”
    “என் மக வாழ்க்கைய பத்தி நீ பேச வேண்டாம்… ஆம்பளைனா அப்பிடி இப்பிடி இருக்க தான் செய்வாங்க… பொம்பளைங்க அதுக்காகச் சிலிர்த்துக்கிட்டு போனா தனிமரமா தான் நிக்கணும்”
    “அந்த ஆம்பளை அவன் வயசுக்கேத்த பொம்பளை கிட்ட வக்கிரமா நடந்துக்கிட்டாலே தப்பு… உங்க மருமகன் சின்ன சின்னக் குழந்தைங்க கிட்ட கேவலமா நடந்துக்கிற அருவருப்பான ஜந்து… வாய் இருக்குனு அவருக்குக் கொடி பிடிக்காதிங்க… யாருக்குத் தெரியும்? நாளைக்கே எனக்கும் சரபனுக்கும் ஒரு பெண் குழந்தை பிறந்து வளந்து அந்தக் குழந்தை கிட்ட உங்க மாண்புமிகு மருமகன் கேவலமா நடந்துக்கிட்டாலும் நீங்க அந்தாளுக்குத் தான் கொடி பிடிப்பிங்க”
    “கவி!”
    அதட்டலாய் ஒலித்தது சரபேஸ்வரனின் குரல்.
    https://ezhilanbunovels.com/nandhavanam/index.php?threads/காதல்-22.5427/

    #நித்யாமாரியப்பன்
    M
    Mahalakshmi
    அருமையாக கொண்டு போகிறீர்கள் நித்யா.உங்களுக்கு நிகர் வேறு யாரும் இல்லை.நீங்களேதான்
    ஒரு காதலும் சில கவிதைகளும் எபி 20
    அவனைப் பார்த்ததும் சங்கவி புன்னகைத்தாள்.
    அவளின் மந்தகாச புன்னகையில் அவனுடைய மனம் நெகிழ்ந்தது. க்ரீம் வண்ண டிசைனர் புடவையில் புதைந்திருப்பவளை மொத்தமாகக் கொள்ளையிட அவனுக்கும் ஆசை தான்.
    ஆனால் சங்கவி கேட்ட அவகாசம் ‘டேர்ம்ஸ் அண்ட் கண்டிசனாய்’ அவர்களுக்கிடையே முளைத்து முறைத்துக் கொண்டிருக்கிறதே!
    “இந்த ஹேர்பின்னை எடுக்க ஹெல்ப் பண்ணுங்க சரபன்”
    சிகையலங்காரத்தைக் கலைக்க அவனது உதவியை வேண்டினாள் சங்கவி.
    சரபேஸ்வரனோ தடுமாற்றத்தின் வாயிலில் நின்றுகொண்டிருந்தான். சங்கவியுடன் கண நேரம் தனிமை வாய்த்தாலும் கொடுத்த வாக்கை மீறிவிடுவோமோ என்ற பயம் அவனுக்கு. எனவே மறுத்தான்.
    “இதெல்லாம் எனக்கு ரிமூவ் பண்ண தெரியாது கவி… நீயே பண்ணிக்க”
    அவள் திகைத்துப் பதில்மொழி தருவதற்குள் “நான் ரெஃப்ரெஷ் ஆகிட்டு வர்றேன்… ஷப்பா செம வேர்வை” என்று வாய்க்கு வந்ததை உளறிவிட்டுக் குளியலறைக்குள் புகுந்துகொண்டான் அவன்.
    அவனது வினோதமான பேச்சில் திகைத்தவள் அலங்காரத்தைக் கலைத்து முடிக்கும்போது வெளியே வந்தவன் சத்தம் போடாமல் படுக்கையில் அமர்ந்து மொபைலை நோண்ட ஆரம்பித்தான்.
    சங்கவிக்கும் குளித்தால் தேவலை என்று தோன்ற மாற்றுடை சகிதம் குளியலறைக்குள் புகுந்துகொண்டவள் குளித்து உடை மாற்றித் திரும்பிவரும் போது சரபேஸ்வரன் உறங்கியிருந்தான்.
    திருமணத்திற்கான ஏற்பாடுகள் அனைத்தையும் மொத்தமாகச் செய்ததன் களைப்பாக இருக்குமென நினைத்த சங்கவி கூந்தலை கொண்டையிட்டுவிட்டு அவனருகே அமர்ந்தாள்.
    இன்னும் விளக்கை அணைக்கவில்லை. அவளுக்காகப் போட்டுவைத்திருந்தான் போல.
    சங்கவி அப்படியே அமர்ந்து காலையிலிருந்து நடந்த அனைத்தையும் மனக்கண்ணில் ஓட்டிப் பார்த்தாள்.
    இனி வரும் நாட்களில் குழலியின் அதிருப்தி வெளிப்படையாகத் தன்னிடம் பாயுமோ என்ற சந்தேகத்தை அவரது நடத்தை கிளப்பிவிட்டிருந்தது.
    முடிந்தவரை சரபேஸ்வரனுக்காக அவர் என்ன செய்தாலும் கண்டுகொள்ளாமல் இருக்கும் முடிவுக்கு வந்தாள்.
    https://ezhilanbunovels.com/nandhavanam/index.php?threads/காதல்-20.5418/
    #ஒருகாதலும்சில_கவிதைகளும்

    #நித்யாமாரியப்பன்
  • Loading…
  • Loading…
  • Loading…
Top Bottom