• கதைகளைப் படிக்க தளத்தில் ரிஜிஸ்டர் செய்து கொள்ளுங்கள்.👉ரிஜிஸ்டர் செய்வது எப்படி? உங்கள் கருத்துக்களை தளத்தில் பதிவு செய்யுங்கள்.

நான் பெண்ணியவாதியல்ல.. - மனோஜா

பெமினிசம் என்ற வார்த்தையில் தான் எத்தனை பிரச்சினைகள்? பெண்கள் பிடித்த உடைகள் போட்டால் பெண்ணியவாதி, சுயமாக சிந்தித்து நடந்தால் பெண்ணியவாதி..அது இது என ஒவ்வொன்றுக்கும் பெண்ணியவாதி என்ற கேட்கமாலே பட்டம் கொடுப்பார்கள்.

நான் முதுகலை அரசு கல்லூரியில் படிக்கும் போது ஒரு பெண் பேராசிரியர் இருந்தார். அவர் என்றால் பல மாணவிகளுக்கு கொள்ளைப் பிரியம். அன்பான ஆசிரியை. சொல்லப்போனால் பலர் அவரை அம்மா என்று பிரியத்துடன் அழைப்பார்கள். எனக்கும் மிகவும் பிடித்தவர். மாணவிகளின் நலத்துக்காக ஆதரவு கொடுப்பவர். தமிழ் இலக்கியம் என்பதால் காதல் , திருமணம் என்பது பொதுவாகப் பேசப்படும் விஷயங்கள்.

என்னோடு படித்தவர்களில் திருமணமானவர்கள் சிலர் இருந்தனர். பலர் திருமணமாகதவர்கள். காதலில் இருப்பவர்கள், என்னைப் போன்று முரட்டு சிங்கில்ஸ்ம் இப்படி சிலரும் இருந்தனர்.

ஒரு நாள் இப்படித்தான் திருமணம் பற்றிப் பேசிக் கொண்டிருந்தோம். அப்போது அந்த ஆசிரியர்

“கல்யாணம் ஆனால் புருஷன் எப்ப கூப்பிட்டாலும் போகனும். பெமினிசம் பேசிட்டு இருக்க கூடாது. இல்லைனா நம்மள விட்டு வேற ஒருத்தியை தேடிட்டுப் போயிடுவான்.”

இதைக் கேட்டதும் எனக்குத் தலை முதல் கால் வரை அதிர்ந்தது. அவர் வாயிலிருந்து இப்படி ஒரு வார்த்தையை நான் எதிர்பார்க்கவில்லை.

எனக்கு பக்கத்தில் இருக்கும் தோழி ஒருவர் “இவங்க
சொல்றத கேளு. அந்த ஸ்டேஜை தாண்டி போயிடாத.” என்றார். இதற்கு அர்த்தம் நீ பெண்ணியம் பேசலாம். ஆனால் இதுதான் வாழ்க்கையோட எதார்த்தம். ரொம்ப யோசிக்காத. கல்யாணம் செய்த பிறகு அதை யோசிக்கக் கூடாது.

அந்த ஆசிரியை எவ்வளவு எனக்கு பிடித்தமானவராக இருந்தாலும் இந்த விஷயம் மனதில் இன்னும் நெருஞ்சி முள்ளாக உறுத்திக் கொண்டிருக்கிறது. இத்தனைக்கும் அவர் கலெக்டரை விட அதிக சம்பளம் வாங்கும் ஆசிரியர்.

“பெண்களுக்கு கன்செண்ட் என்ற ஒன்று கிடையாதா? நீ வெற்றிகரமாக திருமணத்தை எடுத்துச் செல்ல வேண்டுமெனில் கணவன் என்ன சொல்கிறானோ அதை மறுக்காமல் செய். உன் வாழ்வு அப்போதுதான் சிறக்கும் என்ற கற்பிதத்தை எப்படி புகுத்துகிறார்கள்.

நான் இளங்கலை படித்தது வேறு ஒரு கல்லூரி. அந்த கல்லூரி மாணவர்களுக்கு என்று ‘கன்பெசன்’ பக்கம் சமூக வலைதளத்தில் இருக்கிறது. அதில் ஒரு பெண் கூறியிருந்தார்.

“என்னுடைய அப்பா என் விருப்பத்தை மீறி எதுவும் செய்ய மாட்டார். ஆனால் என் அம்மா என்று வருகையில் அவர் வேறு மாதிரி. என் அம்மா என்னிடம் சொல்லி அழுவார். எனக்குப் பிடிக்கவில்லை என்றாலும் உன்னோட அப்பா தொடுவார். மேரிட்டல் ரேப் என்பதை அவர் பல வருடங்கள் தாங்கி வாழ்ந்து வந்திருக்கிறார். என் அம்மாவை அவர் நடத்துவது பிடிக்கவில்லை.”

இந்த கன்பெசனுக்கு நிறைய ஆசாமிகள் “உன்னோட பெத்தவங்க வாழ்க்கையில் கருத்து சொல்லக் கூடாது. “ என்று அமோகமாக ஆதரவு அளித்தனர்.

பல கணவன்களுக்கு மனைவி என்பவள் தன்னுடைய வீட்டுத் தேவைகள், உடல் தேவைகளை கவனிக்கும் மற்றும் கோபத்தை குறைக்க உதவும் பஞ்சிங்க் பேக்குகள் இப்படித்தான் பயன்படுத்தப்பட்டு இருக்கிறார்கள்.

என்னைப் பொறுத்தவரையில் பெண்களை மனிதர்களாக நடந்துங்கள். அவர்களும் ஆண்களைப் போல் உணர்வும் உயிரும் கொண்ட ஜீவன்கள். மரத்திற்கே உணர்வு இருக்கும் போது மனித இனமான பெண்களுக்கு இருக்காதா? எல்லா உயிரும் சமம்தானே. பெண் என்பதால் எல்லாவற்றிருக்கும் தலையாட்ட வேண்டும் என்பதில் எனக்கு உடன் பாடில்லை. எந்த ஒரு உறவுமே ஒருவர் தன் துணை மீது வைக்கும் அன்பிலும் , மரியாதையிலும் நன்றாக நீடித்து வளரும். தன் துணையின் கருத்துகளை, தேவைகளை மதிக்காத எந்த உறவும் நீடிப்பது கடினம். நோ மீன்ஸ் நோ என்பதை ஆண்களும் உணர வேண்டும்.

நான் பெண்ணியவாதியல்ல...என் உரிமைகளைக் கேட்கும் மனித இனத்தில் ஒருவர். மைன்ட் வாய்ஸ்- நான் ஒரு ஏலியன்...

( பேக்ட் -மரபணு அறிவியல் படி பெண் உயிரினம் தான் முதலில் தோன்றியது. அதிலிருந்து பிரிந்த ஜீனின் மரபணு மாற்றத்தால் தோன்றியது ஆண். இனிமேல் தொடை கால் விலா எலும்புனு கதை விட்டா வம்பாதீங்க..நீ பையன் மாதிரி நடந்துக்கறனு சொன்னால் பையன் தான் என்னை மாதிரி நடக்குறாங்கனு சொல்லுங்க..)

இப்படிக்கு வம்புடன்
மனோஜா...
 

Attachments

  • eiHDEYM43219.jpg
    eiHDEYM43219.jpg
    220.8 KB · Views: 35

Nithya Mariappan

✍️
Writer
குடும்ப வாழ்க்கைய பொறுத்தவரைக்கும் ஃபெமினிசம்ங்கிறது கெட்ட வார்த்தை மாதிரினு நிறைய ஆண்கள் நினைக்குறாங்கம்மா... அது என்னவோ திருமணம் முடிஞ்சிட்டாலே நம்மளை ட்ரான்ஸ்பர் ஆப் ப்ராப்பர்டி மாதிரி அவங்களுக்குத் தாரை வார்த்த நினைப்பு... முதல்ல பெண்கள் தங்களோட உரிமைக்காக கொஞ்சமாச்சும் வாய திறந்து பேசணும்... பொம்மை மாதிரி ஒரு வாழ்க்கைய வாழுறதுக்கு உரிமைக்காக பேசி திமிரு பிடிச்சவனு பேர் வாங்குறது பெட்டர்...
 

Latest profile posts

#ஒருகாதலும்சில_கவிதைகளும் எபி 26
மனைவியின் நடத்தையில் தெரிந்த மாற்றங்களை மூர்த்தி கவனிக்காமல் இல்லை. அவர் அவ்வபோது பிறந்தகத்துக்குச் சென்று வருவது மூர்த்திக்கு நன்றாகவே தெரியும்.
தன்னிடம் பொய் சொல்லிவிட்டுச் செல்லும் மனைவியிடம் கண்டிப்பு காட்டப்போய், அவள் தனது நடவடிக்கைகளைக் கேள்வி கேட்க ஆரம்பித்துவிட்டால் என்ன செய்வது?
எனவே எதுவும் தெரியாதவரைப் போல காட்டிக்கொண்டார் மூர்த்தி.
இருப்பினும் அவ்வபோது கண்டிப்பான கணவன் போல நடந்து கொள்ள தவறமாட்டார்.
இப்போது மனைவி அவளது தம்பியின் எண்ணுக்கு அழைத்ததையும் ஏமாற்றத்துடன் நிற்பதையும் ஓரக்கண்ணால் கவனித்தபடி பள்ளிக்குக் கிளம்பிக்கொண்டிருந்தார் அந்த மனிதர்.
“ஏன் பேயறைஞ்ச மாதிரி இருக்க உமா?”
கணவரின் கேள்வியில் சுயம் தெளிந்து “என்ன கேட்டிங்க?” என்றார் உமா.
“நான் கேட்டது கூட உன் காதுல விழாதளவுக்கு என்ன சிந்தனை? உன் பிறந்தவீட்டை பத்தி யோசிக்கிறியா?”
“ஐயோ இல்லங்க”
உமாவின் பதற்றத்தைக் கண்டு கர்வம் கொண்டவர் “அவங்களைப் பத்தி யோசிக்காம இருக்குறது உனக்கும் உன் மகனுக்கும் நல்லது… உன் தம்பி பொண்டாட்டி என் டியூசன் சென்டர்ல சேர வந்த பொண்ணு ஃபேமிலி கிட்ட என்னைப் பத்தி கண்டதையும் சொல்லி என் பேரை எப்ப ரிப்பேர் ஆக்குனாளோ அப்பவே அவங்களுக்கும் உங்களுக்கும் எந்த உறவும் இல்லனு ஆகிடுச்சு… அவளால என் கிட்ட படிக்கிற பசங்க என்னை ஒரு மாதிரி பாக்க ஆரம்பிச்சிட்டாங்க… நைட் ஸ்டடிக்கு டியூசன் சென்டர்ல இருக்குறதுக்கு சின்னப்பொண்ணுங்களோட ஃபேமிலி யோசிக்கிறாங்க… சொத்து பத்து, ஸ்கூல் வருமானத்தை விட டியூசன் சென்டர் வருமானம் தான் நம்மளை சொசைட்டில கௌரவமா வாழ வச்சிட்டிருக்குங்கிறதை மறந்துடாத… அதுக்குக் கொள்ளி வைக்கப் பாத்தவ இருக்குற வீட்டை பத்தி இனிமே நீ யோசிக்கக்கூடாது… இந்த வாரம் என் டியூசன் சென்டர் பிள்ளைங்களை மாமல்லபுரம் டூர் கூட்டிட்டுப் போறேன்… உன் மகனும் வருவேன்னு அடம்பிடிப்பான்… அவனைக் கண்ட்ரோல் பண்ணி வீட்டுல உக்காந்து படிக்கச் சொல்லு” என்று சொல்லிவிட்டுக் கிளம்பினார்.
அவர் கிளம்பியதும் உமாவின் மனம் சோர்ந்து போனது.
சோர்ந்த மனம் சங்கவி என்ற ஒருத்தியைத் தம்பி காதலிக்காமல் இருந்திருந்தால் எவ்வளவு நன்றாக இருந்திருக்குமென யோசித்தது.

http://ezhilanbunovels.com/nandhavanam/index.php?threads/காதல்-26.5454/

#நித்யாமாரியப்பன்
#ஒருகாதலும்சில_கவிதைகளும் epi 25
"அவசரப்படாத ப்ளீஸ்... கொஞ்சநாள் தான... நம்ம வீட்டுலயே இரு"
சரபேஸ்வரன் அவளிடம் கிட்டத்தட்ட கெஞ்சினான்.
உடனே சத்தமாக நகைத்தாள் அவள்.
"நம்ம வீடா? இது உங்க வீடு... இதை நான் எப்பவும் என் வீடா ஃபீல் பண்ணுனதில்ல... உங்கம்மாவும் அக்காவும் என்னை இந்த வீட்டு மனுசியா நடத்தியிருந்தா அப்பிடி தோணிருக்குமோ என்னமோ... அவங்க என்னை வேண்டாத ஒருத்தியா தான நடத்துனாங்க... இன்னொரு தடவை இதை நம்ம வீடுனு சொல்லாதிங்க"
“கவி…”
“நீங்க என்னை லவ் பண்ணுறது உண்மைனா என்னைப் போகவிடுங்க… சென்னைல வேலை, வீடு அரேஞ்ச் பண்ணிட்டு ட்ரெயின் ஏறுறப்ப இன்ஃபார்ம் பண்ணுங்க… இப்பவும் இவங்க தான் முக்கியம்னு நினைச்சிங்கனா என்னை விட்டுடுங்க சரபன்… இப்பிடி ஒரு கையாலாகாத மனுசனுக்குப் பொண்டாட்டியா இருக்குறதை விட காலம் முழுக்க எங்கம்மாக்கு மகளா நான் வாழ்ந்துட்டுப் போயிடுறேன்”
மனக்குமுறல்களைச் சொல்லிவிட்டுச் சரபேஸ்வரனின் பதிலை எதிர்பாராதவளாக கிளம்பிப் போய்விட்டாள் சங்கவி.
சரபேஸ்வரனின் கண்கள் பனித்தன. ஆண்கள் அழக்கூடாதா என்ன? உண்மையான அன்பு விலகும் போது அவர்களும் அழுவார்கள், அந்த அன்பை மதிப்பவர்களாக இருந்தால்!
உமாவும் குழலியும் இப்படி ஒரு எதிர்வினையை எதிர்பார்க்கவில்லை. இப்போது சரபேஸ்வரனின் வாழ்க்கை கேள்விக்குறியானதற்கு வருந்துவதா அல்லது அவன் சென்னைக்குப் புலம்பெயர்வதை நினைத்து மனம் பொருமுவதா என புரியாமல் இரண்டுங்கெட்டான் மனநிலையில் இருந்தார்கள்.

https://ezhilanbunovels.com/nandhavanam/index.php?threads/காதல்-25.5444/

#நித்யாமாரியப்பன்
ஹாய் ப்ரண்ட்ஸ்...
Ezhilanbu Tamil Novels வெப்சைட்க்கு Google Play Store App இருப்பது சிலருக்கு தெரிந்திருக்கலாம். சமீபமாக ஆப் சரியாக வொர்க் ஆகவில்லை என புகார் வந்தது. அதை இப்போது சரி செய்து அப்டேட் செய்திருக்கிறோம்.

ஏற்கெனவே ஆப் வைத்திருப்பவர்கள் ஆப்பை அப்டேட் செய்து கொள்ளுங்கள்‌.

இதுவரை ஆப் பயன்படுத்தாதவர்கள் இன்ஸ்டால் செய்து பயன்படுத்திப் பாருங்கள்.

ஆப் உங்களுக்கு உபயோகமாக இருக்கும். சைட்டில் உள்ள அனைத்துக் கதைகளையும் இலவசமாகப் படிக்கலாம். நம் தளத்தில் வரும் கதைகளின் லிங்க் மிஸ் ஆகிவிட்டது என்ற கவலை இல்லாமல் ஆப்பில் நீங்கள் சுலபமாக படித்துக் கொள்ளலாம்.

உபயோகித்துப் பாருங்கள்.
நன்றி🙂

#ஒருகாதலும்சில_கவிதைகளும் எபி 24
“இன்னைக்கு வளைகாப்புல கோமதிக்கு வளையல் போடுறப்ப அடுத்து எனக்குத் தான் வளைகாப்புனு எல்லாரும் கிண்டல் பண்ணுனாங்க”
“எதே? ஜீபூம்பானதும் வளைகாப்பு வச்சிட முடியுமா? அதுக்கு இன்னும் ஃபர்ஸ்ட் ஸ்டெப்பே எடுத்து வைக்கலயே”
நொந்து போய் பேசியவனைக் குறுஞ்சிரிப்போடு பார்த்தாள் சங்கவி.
“யார் உங்களை ஃபர்ஸ்ட் ஸ்டெப் எடுக்கவிடாம தடுத்தாங்களாம்?”
சீண்டினாள் அவள். சரபேஸ்வரன் அவளது சீண்டலில் திகைத்துப்போனான்.
“ஏய் கவி! நீ என் கிட்ட விளையாடுறியா? டேர்ம்ஸ் அண்ட் கண்டிசன்ஸ் ஞாபகம் இருக்கா?”
பொறுப்பான கணவனாக நினைவூட்டினான் மனைவிக்கு. அவன் மனைவியோ அசட்டையாக தோளைக் குலுக்கினாள்
“டேர்ம்ஸ் அண்ட் கண்டிசன்ஸை டெலிட் பண்ணிட்டேன்… இன்னுமா உங்களுக்குப் புரியல?”
“உன்னோட இந்த வார்த்தைய நான் ‘நோ அப்ஜெக்சன் சர்டிபிகேட்னு’ எடுத்துக்கலாமா?”
“நான் எவ்ளோ ஆசையா பேசுறேன்… இப்ப கூட புரொபஷ்னல் வேர்ட்ஸ் தான் யூஸ் பண்ணுவிங்களா? உண்மைய சொல்லுங்க, அந்த எகனாமிக்ஸ் நோட்ல இருக்குற கவிதைய நீங்க தான் எழுதுனிங்களா?”
“ப்ராமிஷா நான் தான் எழுதுனேன் கவி... இப்ப எனக்குக் கவிதை சொல்லுற மூட் இல்ல… இல்லனா அழகா ஒரு கவிதைய எடுத்து விட்டிருப்பேன்”
“நம்பிட்டேன்”
அவள் இழுத்த விதத்தில் சிரித்தவன் “சில கவிதைய சொல்லுறதை விட செயல்ல காட்டுனா நல்லா இருக்குமாம்” என்றான் விசமமாக.
சங்கவி மீண்டும் நாணத்தில் பிடியில் சிக்கிக்கொண்டாள்.

https://ezhilanbunovels.com/nandhavanam/index.php?threads/காதல்-24.5442/

#நித்யாமாரியப்பன்
#ஒருகாதலும்சில_கவிதைகளும் epi 23
சங்கவி வியப்பில் விழிகளை விரித்தாள்.
“ஏன் இப்பிடி பாக்குற?” என்றவனிடம்
“நீங்க எனக்காக யோசிக்கிறது புதுசில்ல… பட் உங்க அம்மா அக்காவ தாண்டி எனக்காக யோசிக்கிறிங்கல்ல, அது எனக்குப் புதுசு தான்” என்றாள் அவள்.
“அம்மாக்கு அப்பா இருக்குறார்… அக்காக்கு அவ பையன் இருக்குறான்… எனக்கு நீ மட்டும் தான இருக்குற? உனக்காக யோசிக்காம வேற யாருக்காக நான் யோசிக்கப்போறேன் சொல்லு”
சங்கவியின் மனம் சிலிர்த்து அடங்கியது. ஆனால் எல்லாம் ஒரு நொடி தான். இவன் உணர்ச்சிப்பூர்வமாக எதையாவது சொல்வதும், அதற்கு அவள் சிலிர்த்து மானசீகமாகச் சில்லறையைச் சிதறவிடுவதும், அடுத்த நாளே இவனது செய்கைகளில் மாற்றமில்லையென அவள் ஏமாறுவதும் வாடிக்கையாகிவிட்டதே இந்த இரு வாரங்களில்!
இன்று இப்படி சொல்பவன் நாளையே மாற்றிப் பேசினால்?
“இந்தத் தடவை உனக்கு ஏமாற்றம் இருக்காது கவி”
“பாக்கலாம் சரபன்”
தோளில் இருந்த அவனது கரத்தை விலக்கிவிட்டுச் செல்ல முயன்றவளை சீண்டும் எண்ணம் எழுந்தது அவனுக்குள்.
“சந்தானம் சார் வீட்டுல இப்பவும் அவங்க ஒய்ப் தான் அவருக்கு எண்ணெய் தேய்ச்சு குளிக்க வைப்பாங்களாம்… உனக்கு வேலை இல்லனா நீயும்…”
சரபேஸ்வரன் இழுக்கவும் கண்களில் அனலோடு திரும்பினாள் சங்கவி.
“நானும்…” கண்களை உருட்டிக் கேட்டாள் அவள்.
“குளிக்கக் கொஞ்சம் ஹெல்ப் பண்ணலாமேனு சொல்ல வந்தேன்மா… அதுக்கு ஏன் கோவப்படுற? புதுசா கல்யாணம் ஆன பொண்ணு மாதிரி ஒரு நாளாச்சும் நடந்துக்குறியா? எப்பவும் எதிரி மாதிரியே பாக்குற”
https://ezhilanbunovels.com/nandhavanam/index.php?threads/காதல்-23.5437/

#நித்யாமாரியப்பன்

New Episodes Thread

Top Bottom