Nithya Mariappan

#சுருதியோடுலயம்சேரவே EPI 14
அவனது பதில் விஸ்மயாவுக்குப் பிடித்திருந்தது. பெரும்பான்மை ஆண்களைப் போல காதலித்த பெண்ணிடம் ‘நீ என் அம்மா மாதிரிம்மா’ என்று போலியாய் உருகாமல் அன்னைக்கு நிகர் அவர் தான் என்ற உண்மையை அவன் கூறிய விதம் மற்ற ஆண்களிலிருந்து அவனை வேறுபடுத்திக் காட்டியது.

“நீ ஒரு யூனிக் பீஸ்டா ஹெச்.பி பென்சில்”

வாய் விட்டு அவனைப் பாராட்டினாள் விஸ்மயா. வித்யூத் இடை வரை குனிந்து கரம் நீட்டி அவளது பாராட்டை ஏற்றுக்கொண்டான். பின் நிமிர்ந்தவன் அவளை நோக்கிக் கரம் நீட்டினான்.

விஸ்மயா அதைப் பற்ற யோசிக்கவும் “ஸ்டூடியோ வரைக்கும் தனியா வந்தாச்சு… என் கையைப் பிடிக்க மட்டும் ஏன் யோசிக்கிற?” என அவன் கேட்க

“கையைப் பிடிச்சு நடக்க நான் என்ன குழந்தையா?” என திறமையாகப் பதிலளிப்பது பேசினாள் அவள்.

வித்யூத் வேகமாகத் தனது வாயைப் பொத்திக்கொண்டவன் “அச்சோ! அப்ப நீ வளந்துட்டியா விஸ்மி? இந்த விபூ இல்ல விபூ, அவன் உன்னை விபாஷினி கூடக் கம்பேர் பண்ணுவான்… நான் கூட நீ இன்னும் குழந்தையா இருக்கனு நினைச்சு தான் டிஸ்டன்ஸ் மெயிண்டெயின் பண்ணிட்டேன்… ப்ச் மக்குடா வித்தி நீ” எனத் தன் தலையில் குட்டிக்கொண்டான்.

“ஓ” என்றவளை தாமதிக்காமல் தன்னருகே இழுத்துக்கொண்டான் வித்யூத்.

“ஏய்” என ஏதோ சொல்ல வந்தவள் அடுத்து அவனது கரம் அவளது இடையை வளைத்து இழுத்தணைக்கவும் கண்களை விரித்துத் திகைத்து நின்றாள்.

தனது அருகாமை அவளுக்குக் கொடுத்த திகைப்பை ரசித்தபடி ஒற்றை விரலால் விஸ்மயாவின் வதனத்தை அளந்தான்.
https://ezhilanbunovels.com/nandhav...ித்யா-மாரியப்பனின்-சுருதியோடு-லயம்-சேரவே.375/

#நித்யாமாரியப்பன்

#சுருதியோடுலயம்சேரவே 13
“அங்கல்லாம் போகவேண்டாம்பா”

என்ன காரணமென பெற்றோர் கேட்கவும் என்ன பதிலளிப்பதென தெரியாமல் அவள் திகைத்தாள். காரணம் வினயன் வித்யாவோடு போவதாகச் சொன்னது வித்யூத்தின் கான்சர்ட்டுக்கு. அவன் மீதிருந்த கோபம் அவர்களை அங்கே போகக்கூடாதென சொல்ல வைத்தது.

“நாங்க ரெண்டு பேரும் கோல்ட் ரோ டிக்கெட் புக் பண்ணிட்டோம்டா… போகலனா இருபதாயிரம் ரூபா வேஸ்டா போயிடும்”

வித்யா இவ்வாறு சொன்னது தான் தாமதம், விஷாகா வெடிக்க ஆரம்பித்தாள்.

“நம்ம இப்பிடி இருக்குற நிலமைக்கு இருபதாயிரம் ரூபா செலவு பண்ணி கான்சர்ட்டுக்குப் போகணுமாம்மா? ஏன்மா இப்பிடி வீண்செலவு பண்ணுற? இந்த இருபதாயிரம் ரூபா என்னோட பாதி சம்பளம்”

வித்யா கணவரைப் பார்க்க வினயன் மனைவிக்காகப் பரிந்து பேச ஆரம்பித்தார்.

“உங்கம்மாக்கு இன்ஸ்டாக்ராம் கொலாபரேசன் மூலமா கிடைச்ச அமௌண்ட்மா விஷூ… அவ ஆசைப்பட்டாளேனு நான் தான் கான்சர்ட்டுக்கு டிக்கெட் புக் பண்ணுனேன்டா”

“பணம் மட்டும் தான் பிரச்சனைனு நினைக்குறிங்களாப்பா? போன மாசம் ஏ.ஆர்.ரஹ்மான் கான்சர்ட்ல எவ்ளோ பிரச்சனை நடந்துச்சுனு நியூஸ்ல பாத்திங்க தானே?”

“அது கான்சர்ட் மேனேஜ்மெண்ட் கம்பெனியால நடந்த குளறுபடிம்மா விஷூ… வித்யூத்தோட கான்சர்ட்டை நடத்துற கம்பெனி ரொம்ப ஆர்கனைஸ்டா நடந்துவாங்க… நீ வொரி பண்ணிக்காதம்மா… நாங்க பத்திரமா போயிட்டு வந்துடுவோம்”

விஸ்மயாவும் விஷாகாவும் இதற்கு மேல் வாதிட விரும்பவில்லை. இருவருக்கும் பிரயாண அலுப்பே அதிகம். விபாஷினியை ஓய்வெடுக்கும்படி அனுப்பி வைத்தவர்கள் தங்களது அறைக்குள் சென்று முடங்கினார்கள்.

விஸ்மயா வென்னீர் குளியலைப் போட்டுவிட்டு உறங்கலாமென நினைத்தவள் குளிக்க ஆயத்தமாகும் போது மொபைலில் நோட்டிபிகேசன் சத்தம் வரவும் ஒரு நொடி நின்றாள்.

வித்யூத்தாக இருக்குமோ? மனம் உடனே அவனைத் தான் நினைத்தது.

அவசரமாக மொபைலை எடுத்துப் பார்த்தவள் மெய்யாகவே அவனிடமிருந்து செய்தி வந்திருக்கவும் தாமதிக்காமல் வாட்சப்புக்குள் நுழைந்து செய்தியைப் படித்தாள்.

“நீ என் மேல செம கடுப்புல இருப்பனு தெரிஞ்சும் உனக்கு மெசேஜ் பண்ணுற என் மனதைரியத்தைப் பாராட்ட மாட்டியா விஸ்மி?”

அவன் மன்னிப்பு கேட்பான் என எதிர்பார்த்தவள் இப்படி அவன் செய்தி அனுப்பி சீண்டவும் சிலிர்த்துக்கொண்டு பதிலை தட்டச்சு செய்ய ஆரம்பித்தாள்.

“சொல்லாம போனவங்களை கழுவி ஊத்துறது தான் எங்களோட பாரம்பரிய பழக்கம்… என்ன பாரம்பரியத்தை ஃபாலோ பண்ணட்டுமா?”
https://ezhilanbunovels.com/nandhav...ித்யா-மாரியப்பனின்-சுருதியோடு-லயம்-சேரவே.375/
#நித்யாமாரியப்பன்

#சுருதியோடுலயம்சேரவே epi 12
அதே நேரம் வாயில் வைத்த புட்டை விழுங்க முடியாமல் நீளவசனம் பேசியவனை கண்கள் தெறிக்க பார்த்துக்கொண்டிருந்தாள் விஸ்மயா. வித்யூத் என்னவென்பது போல புருவத்தை உயர்த்தி வினவவும் வேகமாக விழுங்கி தண்ணீரைக் குடித்தாள்.

“என் கிட்ட ப்ரபோஸ் பண்ணுறப்ப கூட இதெல்லாம் நீ சொல்லவேல்ல… இப்ப விஷூவ சமாதானப்படுத்த பக்கம் பக்கமா டயலாக் பேசுற… நியாயப்படி நீ என்னை கரெக்ட் பண்ணுறதுக்காக தான் இப்பிடி டயலாக் பேசணும்”

விஷாகா தங்கையின் புறங்கையில் சுரண்டி விபாஷினி தங்கள் பேச்சைக் கேட்டுக்கொண்டிருப்பதைக் காட்டினாள். அதற்கெல்லாம் விஸ்மயா அசரவில்லை.

“அவளுக்கு இதுல்லாம் புரியும்… 2K கிட்ஸ் நம்மளை விட ஸ்மார்ட்” என்றவள் வித்யூத்தை முறைக்க அவனோ அவளது தட்டிலிருந்த புட்டை ஸ்பூனால் எடுத்துச் சாப்பிட்டபடி பதிலளித்தான்.

“இதுக்கு மேல உன்னைக் கரெக்ட் பண்ணுறதுக்கு என்ன இருக்கு லக்கி சார்ம்?”

ஸ்பூனை இரண்டு விரல்களில் சுழற்றியபடி புருவத்தை உயர்த்தி அவன் கேட்ட விதம் அவள் தன்னைக் காதலிப்பதாக அவன் நம்ப ஆரம்பித்துவிட்டதைக் கூறியது.

விஸ்மயா உதட்டைச் சுழித்து அழகு காட்டப்போனவள் டக்கென நிறுத்தினாள். கண்கள் வித்யூத்தை அளவிட அவனோ விசமச்சிரிப்பை மடித்த உதடுகளுக்குள் அடைக்க அரும்பாடு பட்டான்.

பின்னர் சாப்பிடும்படி கூறியவன் மூவரையும் சஜன் – சௌபர்ணிகாவின் சங்கீத் நிகழ்வில் தனது சார்பில் கலந்துகொள்ள அழைத்தான்.

“ஹலோ! இந்த மினியன் உன்னோட காத்தாடி… இவளைக் கூப்பிடுறதுல அர்த்தம் இருக்கு… நாங்க எதுக்கு வரணும் மேன்?”

விஸ்மயா துடுக்காய் கேட்டாள்.

“பிகாஸ் நீங்க எல்லாரும் என்னோட ஃபேமிலி” என்றவன் கண்ணாடி தம்ளரில் அவள் குடித்து மிச்சமிருந்த தண்ணீரைக் காலி செய்துவிட்டு எழுந்தான்.

“நீங்களும் அப்பிடி நினைச்சிங்கனா கட்டாயம் வருவிங்க”

மூவருக்கும் பொதுவாய் சலாம் போட்டுவிட்டு இடத்தைக் காலி செய்தான்.
https://ezhilanbunovels.com/nandhav...ித்யா-மாரியப்பனின்-சுருதியோடு-லயம்-சேரவே.375/

#நித்யாமாரியப்பன்

#சுருதியோடுலயம்சேரவே எபி 11
“இது மூலமா நீங்க எனக்கு என்ன செய்தி சொல்ல வர்றிங்க சார்?”

“நம்ம லவ்வுக்கு ஸ்டேட்டஸ் ஒரு பிரச்சனையா இருக்காதுனு சொல்ல வர்றேன் மேடம்… உன் அக்காவோட பயத்துக்கு அவசியமே இல்ல.. புரிஞ்சுதா?”

வித்யூத் சொன்ன விசயம் அவளுக்குப் புரிந்ததோ என்னவோ தலையாட்டி அவன் கேட்ட விதம் விஸ்மயாவுக்குப் பிடித்திருந்தது.

“அவங்க இன்னொன்னும் சொன்னாங்க… கவனிச்சியா மேன்? எனக்கு யோசிக்க டைம் குடுக்கணுமாம்… அம்மா சொல்லைத் தட்டாத புள்ளையா எனக்கு யோசிக்க டைம் குடுத்துட்டு போய் போட்டோக்குப் போஸ் குடு”

“அதுல்லாம் நாங்க நல்லா குடுப்போம்… நீ என்னை துல்கர் சல்மான் மாதிரி ஸ்மார்ட்டா போட்டோ எடு… ஓ.கேவா?... இல்லனா கல்யாணப்பொண்ணு கிட்ட சொல்லி பேமெண்ட்டைக் குறைச்சிடுவேன்”

போலியாய் மிரட்டியவனுக்கு உதட்டைச் சுழித்து அழகு காட்டினாள் விஸ்மயா.

“துடைப்பக்கட்டைக்குப் பேர் துல்கர் சல்மானாம்” என்று கிண்டலாய் சொன்னவள் வித்யூத் அவளை நெருங்கவும் “ஜெகன்” என்று அழைத்தபடி நண்பனிடம் ஓடிவிட்டாள்.
https://ezhilanbunovels.com/nandhav...ித்யா-மாரியப்பனின்-சுருதியோடு-லயம்-சேரவே.375/
#நித்யாமாரியப்பன்

#சுருதியோடுலயம்சேரவே EPI 10
“ஐ திங் ஐ அம் இன் லவ் வித் யூ”

ஏற்கெனவே ஜெகனிடம் கேட்டு ஓரளவுக்குத் தெளிவோடு வந்திருந்ததால் விஸ்மயாவுக்கு வித்யூத்தின் இந்த ‘ப்ரபோசல்’ அதிர்ச்சியளிக்கவில்லை.

“ஓ!”

அவள் வெகு எளிதாக எடுத்துக்கொண்டது வித்யூத்துக்குக் கொஞ்சம் விசித்திரமாக இருந்தது.

“என்ன ஓ? நான் எவ்ளோ பெரிய விசயத்தைச் சொல்லிருக்கேன்… அட்லீஸ்ட் உன் ப்ரபோசலை கன்சிடர் பண்ணுறேன்னாச்சும் சொல்லும்மா”

விஸ்மயா ஒற்றை விரலை மட்டும் ‘மாட்டேன்’ என்பது போல ஆட்டியவள் “உன்னை மாதிரி செலிப்ரிட்டி மேல எனக்குக் கொஞ்சம் கூட நம்பிக்கை கிடையாதுப்பா… உனக்கு இப்ப நான் இன்ட்ரஸ்டிங்கான கேரக்டரா தெரியுறேன்… நாளைக்கே என்னை விட இன்ட்ரஸ்டிங்கான ஒருத்திய பாத்துட்டனா ஐயோ அவசரப்பட்டுட்டோமோனு நீ கட்டாயம் வருத்தப்படுவ… எதுக்கு இதுல்லாம்?” என்கவும்

“ஏய்! நான் நிஜமாவே உன்னை லவ் பண்ணுறேன்… உன்னை மாதிரி இன்னொருத்திய தேடிப் போறவனா இருந்தா ஒன் இயர் உன்னை டிஸ்டர்ப் பண்ணாம நம்ம மீட் பண்ணப் போற மொமண்டுக்காக நான் ஏன் வெயிட் பண்ணிட்டிருக்கப்போறேன் சொல்லு” என்றான் வித்யூத் தீவிரக்குரலில்.

உடனே விஸ்மயாவின் கண்கள் யோசனையில் சுருங்கின.

“ஆமால்ல”

வானைப் பார்த்தபடி மோவாயில் ஆட்காட்டிவிரலால் தட்டிக்கொண்டு உதட்டைச் சுழித்தபடி யோசித்தாள் அவள்.

“நீ சொல்லுறதும் வேலிட் பாயிண்ட் தான்… ஆனா எனக்கு உன் மேல லவ் வரலையேப்பா”

தோள்களைக் குலுக்கியபடி கூறினாள்.

“அது மெதுவா வரட்டும்… நோ ப்ராப்ளம்”

வித்யூத் இலகுவாகச் சொல்லவும் அவனிடமிருந்து வற்புறுத்தலை எதிர்பார்த்த விஸ்மயாவுக்குப் பெருத்த ஏமாற்றம். அது அவளது முகத்தில் அப்பட்டமாக பிரதிபலித்தது.

அசுவாரசியமாக உச்சு கொட்டியவள் “அப்ப நான் கிளம்பட்டுமா?” என்று கேட்டாள்.

“போறதுக்கு முன்னாடி நான் சொல்லுறதை கேட்டுட்டுப் போ”

“என்ன?”

“நான் உனக்கு ஐஸ் வைக்குறேன்னு நினைக்க கூடாது”

“ம்ம்”

“உன்னை லவ் பண்ணுறதால பொய்யா புகழுறேன்னு நினைச்சுடக்கூடாது”

“நினைக்க மாட்டேன்”

விஸ்மயா உறுதியளித்ததும் அவளை ஆர்வமாகத் தழுவின வித்யூத்தின் விழிகள்.

என்ன மாதிரி பார்வை இது? பார்ப்பவனின் கண்களுக்குள் கருவிழிகளுக்குப் பதிலாக லேசர் கன் எதுவும் இருக்கிறதா என்ன? இமைகள் இடுங்க அவன் பார்க்கும் போது தேகத்துக்குள் எதுவோ ஊடுருவிப்போவது போல உள்ளதே!

அவனது பேச்சைக் கேட்க காத்திருந்தவளுக்கு விழிகளின் தழுவல் ஏதோ ஒரு விசித்திரமான உணர்வை உள்ளுக்குள் கிளர்ந்தெழ செய்யவும் விஸ்மயா வித்யூத்தைப் பார்ப்பதைத் தவிர்த்து ஏரியில் தெரியும் வெண்ணிலவின் பிம்பத்தை நோக்கினாள்.

“அமைதியான ஏரியோட கரைல நிலா வெளிச்சத்துல ஒயிட் ஸ்கர்ட் ஓப்பன் ஹேரோட நீ உக்காந்திருக்கிறதை பாக்குறப்ப ரிவர் ஃபேரி அலாரா மாதிரி இருக்கு லக்கி சார்ம்… ரெக்கை மட்டும் மிஸ்சிங்”

அன்று சொன்ன அதே வசனம். இடம் மட்டும் வேறு! ஆனால் சொன்ன விதமும், வார்த்தைகள் குழைவாய் வந்து விழுந்த விதமும் ஏரியைப் பார்த்துக்கொண்டிருந்தவளுக்குள் மெல்லிய நாணத்தை விதைத்துவிடவே, விஸ்மயாவின் வதனத்தில் மெல்லிய முறுவல் முகிழ்த்தது.

தனது ரசிப்பை ஏற்று அவள் சிரிக்கிறாள் என்பதை பக்கவாட்டில் வளைந்த செவ்விதழ்களின் சுழிப்பு சொல்லிவிட வித்யூத்தின் உதடுகளும் முறுவலைப் பூட்டிக்கொண்டன.

“ஐ லவ் யூ விஸ்மி”

மென்மையாக அவன் காதலை உரைக்கவும் விஸ்மயாவின் பார்வை அவன் பக்கம் திரும்பியது.

“ஹான்?”

புருவத்தை உயர்த்தி அவள் கேட்கவும் “மறுபடிலாம் சொல்ல மாட்டேன்… ஒரு தடவை சொல்லுறப்பவே கேட்டுக்கணும்” என்று அமர்த்தலாக மொழிந்தான்.

“ஐயே! ரொம்ப தான்”

உதட்டைச் சுழித்து விஸ்மயா அழகு காட்டினாள்.

“ப்ளீஸ்! அப்பிடிலாம் பண்ணாத… எங்கம்மா எனக்கு நிறைய மாரல் வேல்யூஸை சொல்லிக் குடுத்து வளத்திருக்காங்க… அதுல ஒன்னு, ஒரு பொண்ணு தனியா இருக்குறப்ப அவ கிட்ட அட்வான்டேஜ் எடுத்துக்க கூடாது… நீ இப்பிடி கியூட்டா எதாச்சும் பண்ணி எனக்குள்ள இருக்குற ஒழுக்கமான வித்யூத்தை ஸ்பாயில் பண்ணுற லக்கி சார்ம்”

அவன் சண்டை போடுபவனைப் போல பேசவும் மீண்டும் உதட்டைச் சுழித்தாள் விஸ்மயா.

“மூனு நாளா ஒரு பொண்ணை விடாம ஸ்டாக் பண்ணுனது எந்த மாரல் வேல்யூஸ்ல அடக்கம்னு எனக்குச் சொல்லேன்… பொய் சொன்னாலும் பொருத்தமா சொல்லுயா… உன் பொய்யைத் தாங்கிக்க முடியாம ஏரித்தண்ணி பொங்கி வந்து ரிசார்ட்டை மூழ்கடிச்சிடப் போகுது”

அவனை விளையாட்டாகச் சீண்டியபடி எழுந்தவள் “பை த வே, இவ சைல்டிஷா பேசுறாளே, கிஸ் ஹக்னு இஷ்டத்துக்கு விளையாடலாம்னு கிரிமினலா யோசிக்காத… அந்த விசயத்துல நான் ரொம்ப மோசமானவ… நம்மளை லவ் பண்ணுற பையனாச்சேனு இரக்கப்படவே மாட்டேன்” என்று சொல்லிவிட்டு பெருவிரலால் கழுத்தின் நடுவே கோடிட்டுக் காட்டினாள்.

https://ezhilanbunovels.com/tamil-novels-and-stories/sls-10/
#நித்யாமாரியப்பன்

#சுருதியோடுலயம்சேரவே epi 7

“என்னது இது?”

“ஓப்பன் பண்ணிப் பாரு, உனக்கே தெரியும்”

அமர்த்தலாக மொழிந்தாள் விஸ்மயா. விபாஷினியும் ஆவலோடு அதை திறந்தவள் உள்ளே இருந்ததைக் கண்டதும் “இதுக்குத் தான் இவ்ளோ பில்டப் குடுத்தியா?” என சலித்துக்கொண்டவளாக மீண்டும் அவளிடமே பெட்டியைக் கொடுத்தாள்.

“என்னடி இப்பிடி சாதாரணமா சொல்லுற?” என்றவளாகப் பெட்டியை வாங்கிப் பார்த்த விஸ்மயா அதற்குள் இருந்த லட்டைக் கண்டதும் ஏமாற்றத்திலும் அதிர்ச்சியிலும் பேச்சு வராமல் பற்களைக் கடிக்க தொடங்கினாள்.

“லட்டா?”

அவள் முகம் சிவக்க மொபைலை எடுத்து தனக்கு அழைப்பதை சில அடிகள் தொலைவிலுள்ள மேஜையிலிருந்து பார்த்துக் கொண்டிருந்த வித்யூத் விஸ்மயாவின் அழைப்பை ஏற்றான்.

“டேய்” என அவள் ஆரம்பிக்கும்போதே “கோவிந்தா கோவிந்தா” என்றவன் தன்னருகே அமர்ந்திருந்த ரசிகர் ப்ளஸ் திருப்பதி பாலாஜியின் பக்தர் கொடுத்த இன்னொரு லட்டு பிரசாதத்தை பக்தியோடு வாங்கி விபினிடம் கொடுத்துவிட்டுத் தனியே வந்தான்.

“என்னடா என் ப்ரேஸ்லெட்டை ஆட்டைய போட்டுட்டுக் கிண்டல் பண்ணுறியா? ஒழுங்குமரியாதையா என் ப்ரேஸ்லெட்டைக் குடுத்துடு… இல்லனா போலீஸ்ல உன் நம்பரைக் குடுத்து ட்ரேஸ் அவுட் பண்ணச் சொல்லிடுவேன்”

“கூல் கூல்! இப்ப என்ன நடந்துச்சுனு பாப்கார்ன் மாதிரி குதிக்குற?”

“என் ப்ரேஸ்லெட்டைத் தர்றேன்னு சொல்லி லட்டைக் குடுத்து ஏமாத்திட்டு வாய் பேசாத நீ”

விஸ்மயா வேகமாகப் பேசியதில் மூச்சிறைப்பது வித்யூத்திற்கே கேட்டது.

“காம் டவுன் பேபி! நான் உன் கிட்ட என்ன சொன்னேன்? ஏழாவது வாசல் துளசி மாடத்துக்கு வந்து ப்ரேஸ்லெட்டை வாங்கிக்கனு சொன்னேன்… ஆனா நீ என்ன பண்ணிருக்க?”

“நான் அங்க தான் நிக்குறேன்”

“நிக்குறியா? இல்ல நிக்குறிங்களா?”

வித்யூத் அவளோடு நின்று கொண்டிருந்த விபாஷினியைக் குறிப்பு காட்டவும் விஸ்மயா தன் தலையிலடித்துக்கொண்டாள்.

“நீ என் கிட்ட தனியா வரணும்னு சொல்லவேல்லயே?”

“வயசுப்பையனும் வயசுப்பொண்ணும் மீட் பண்ணுற இடத்துக்குக் குழந்தைய கூட்டிட்டு வரலாமானு ஒரே ஒரு தடவை உன்னோட காமன் சென்ஸை கேட்டுப் பாத்திருக்கலாம் நீ… ப்ச்! அதை விடு… உன் ப்ரேஸ்லெட்டை திருப்பிக் குடுக்குறதுக்கான முயற்சியோட இன்னைக்குக் கோட்டா ஓவர்… இனிமே ட்வென்டி ஃபோர் ஹவர்ஸ் கழிச்சுத் தான் அதை திருப்பிக் குடுக்குற மூட் எனக்கு வரும்… அது வரைக்கும் நான் உனக்குக் குடுத்த லட்டைச் சாப்பிட்டு மனசைத் தேத்திக்க”

“எனக்கு அந்த லட்டு வேண்டாம்”

தூக்கியெறியப் போனவளை அவசரமாகத் தடுத்தது வித்யூத்தின் குரல்.

“அது ஏழுமலையான் பிரசாதம்… தூக்கியெறிஞ்சனா அதுக்கான பாவம் உன்னைச் சேரும்”

உடனே அந்தரத்தில் நின்றது விஸ்மயாவின் கரம் வேகமாக லட்டு இருந்த பரிசுப்பெட்டியை அவள் கண்களில் ஒற்றிக்கொள்வது தெரிந்தது.

கூடவே “மன்னிச்சிடுங்க பெருமாளே! உங்க பிரசாதம்னு தெரியாம இந்த அறியாச்சிறுமி தூர வீசப்போயிட்டேன்… இதை மனசுல வச்சுக்கிட்டு என போட்டோகிராபி ஆம்பிசன்ல எதுவும் குழப்பத்தை உண்டாக்கிடாதிங்க” என்று அவள் பக்தியோடு வேண்டுவதும் அவனுக்கு மொபைல் வழியே கேட்டது.

“போதும் மகளே! ஓவரா வேண்டி பெருமாளோட காதை ரிப்பேர் ஆக்கிடாத… இன்று போய் நாளை வா”

“இராமாயணம் வசனமெல்லாம் பேசிட்டு நாளைக்கும் லட்டுக்குப் பதிலா பூந்திய குடுக்கலாம்னு நினைச்ச, நான் நேரா போலீஸ் கிட்டப் போயிடுவேன்”
https://ezhilanbunovels.com/nandhav...ித்யா-மாரியப்பனின்-சுருதியோடு-லயம்-சேரவே.375/

#நித்யாமாரியப்பன்

#சுருதியோடுலயம்சேரவே எபி 5
வித்யூத் விஸ்மயாவைக் கிண்டலாய் பார்த்தபடியே “நாங்களும் சஜனோட மேரேஜுக்குத் தான் போறோம் செலிப்ரிட்டி போட்டோகிராஃபர் மேடம்” என்கவும் அவள் நாக்கைக் கடித்துக்கொண்டாள்.

“அச்சோ!”

ஒரு கண்ணை மூடி ஒற்றைக்கரத்தால் மற்றொரு கண்ணால் அவனைப் பார்த்தவள் ‘இவன் என்று தெரியாமல் நேற்று அவ்வளவு பில்டப்பாக பேசிவிட்டோமே’ என நாணவும் விஷாகா அவளது கையைப் பிடித்து தங்களது இருக்கைக்கு இழுத்துச் செல்ல முயற்சிக்கவும் சரியாக இருந்தது.

“எவ்ளோ க்யூட்டா இருக்கு இந்தப் பொண்ணோட வெக்கம்?” என்ற வித்யூத்தின் ரசனை விஷாகாவின் இச்செயலால் ப்ரேக் போட்டது போல நின்றது.

விஸ்மயா அவசரமாக அவளது கையை உதறியவள் “சார் உங்களை நேர்ல மீட் பண்ணுனா இதை கேக்கணும்னு நினைச்சேன்… ஃபிலிம் ஃபேர் அவார்ட் போட்டோஷூட் அன்னைக்கு நான் போட்டுட்டு வந்த ப்ரேஸ்லெட் காணாம போயிடுச்சு... அது விபூவோடது… இவ அன்னைக்கு என்னலாம் சொல்லி திட்டுனா தெரியுமா?” என்று அப்பாவியாய் கூற வித்யூத் “அப்பிடியா? த்சூ த்சூ! தொலைஞ்சிடுச்சா? ஐயோ பாவம் நீங்க” என்றான் ஒன்றும் அறியாதவனைப் போல.

விபின் மீண்டும் நண்பனின் நடிப்பு திறமையைப் பார்த்து ‘அடேய் போதும்டா, இங்க என்ன ஆஸ்காரும் கோல்டன் க்ளோபுமா குடுக்குறாங்க?’ என்று மைண்ட்வாய்சில் கடுப்புற்றான்.

“ரொம்ப பாவம் சார்… எங்க மூனு பேர்ல நான் ஒருத்தி தான் அப்பாவி”

இப்போது விபாஷினியும் விஷாகாவும் அதிர்ந்தனர்.

“நீ ஒன்னும் அப்பாவி கிடையாது… அடப்பாவினு சொல்லுற மாதிரி எல்லா காரியத்தையும் பண்ணுறவ”

விஷாகா துடுக்காகப் பேசி மானத்தை வாங்கவும் விஸ்மயா அவசரமாக அவளது வாயைப் பொத்தினாள்.

“சஜன் சாரோட மேரேஜ்ல என் அக்கா தான் வெட்டிங் ப்ளானர்… எல்லாம் நல்லபடியா முடியணுமேங்கிற டென்சன்ல உளறுறா” என்றாள் விஸ்மயா.

மேலும் விஷாகா ஏதும் பேசும் முன்னர் சுதாரித்தவள் “குமரகம் லேக் ரிசார்ட்ல மீட் பண்ணுவோம் சார்… பை” என்று இருவரிடமிருந்தும் அவசரமாக விடைபெற்று தமக்கை மற்றும் தங்கையை இழுத்துக்கொண்டு சென்றுவிட்டாள்.

அவள் அங்கிருந்து போனதும் மழையடித்து ஓய்ந்தது போல இருந்தது.

“ஏன்டா அந்தப் பொண்ணு கிட்ட ஒன்னும் தெரியாதது மாதிரி நடிச்ச?”

நண்பனிடம் கேட்டான் விபின்.

“எல்லாத்தையும் ஓப்பனா சொன்னா என்ன கிக் இருக்கு விபூ? ஒன் வீக் அவ என் கண் பார்வைல தானே இருக்கப்போறா… மெதுவா சொல்லிக்கலாம்… பை த வே, ஷீ இஸ் குயிட் இன்ட்ரஸ்டிங்”

“எதே? பேச ஆரம்பிச்சா சைனா வால் மாதிரி நிறுத்தாம பேசுது… அந்தப் பொண்ணு உனக்கு இன்ட்ரெஸ்டிங்கா? டேய் உன்னை மாதிரி பசங்க இருக்குறதால தான்டா ஹாசினி டைப் பொண்ணுங்களை தான் பசங்களுக்குப் பிடிக்குதுங்கிற தப்பான கருத்து சொசைட்டில உலா வருது… பொண்ணுனா அவ கூட வந்தாளே அவளோட அக்கா, அந்தப் பொண்ணு மாதிரி இருக்கணும்… ப்பா! என்னா ஃபயரு கண்ணுல!”

விபின் விஷாகாவைப் பற்றி சொல்லி சிலாகிக்கவும் வித்யூத் நண்பனைக் கேலியாகப் பார்த்தான்.

“எப்ப வெடிக்கும்னு தெரியாத புஸ்வாணம் மாதிரி புஸ்புஸுனு மூச்சு விட்டுட்டு நின்னா தான் சாருக்குப் பிடிக்கும் போல… எனக்குக் கண்ணுக்குக் குளிர்ச்சியா இருக்குற மத்தாப்பூ தான்பா பிடிக்கும்” என்றான் வித்யூத்.
https://ezhilanbunovels.com/nandhav...ித்யா-மாரியப்பனின்-சுருதியோடு-லயம்-சேரவே.375/

#நித்யாமாரியப்பன்

#சுருதியோடுலயம்சேரவே epi 3
“ஆர் யூ அன் இடியட்? நீ செஞ்ச தப்பால ஆக்டர் நிஷாந்தோட போட்டோஸ் மொத்தமா டெலீட் ஆகிடுச்சு… எப்ப பாத்தாலும் எனக்குச் சான்ஸ் குடுங்கனு கேப்பல்ல, ஏன் உனக்கு நான் சான்ஸ் குடுக்கலனு இப்ப புரியுதா? உன்னோட சைல்டிஷ் பிஹேவியர் புரொபஷனல் லைஃபுக்குக் கொஞ்சம் கூட செட் ஆகாது… இப்ப அதை நீ நிரூபிச்சிட்ட”

விஸ்மயா கண்களில் அக்னி மூள, அங்கே ஒன்றும் அறியாதவளைப் போல நின்ற நிஷாவைப் பார்த்தாள்.

“அவளை ஏன் முறைக்கிற? ஐ அம் பாயிண்டிங் அவுட் யுவர் ஃபால்ட் விஸ்மயா”

“தட்ஸ் நாட் மை ஃபால்ட் சார்… என்னோட சிஸ்டமை யூஸ் பண்ணுன நிஷா செஞ்ச ஃபால்ட் அது… அவளால தான் ட்ரைவ் கரெப்ட் ஆகிடுச்சு… நியாயப்படி நீங்க அவளைத் தான் திட்டணும்… பட் அப்பிடி பண்ண மாட்டிங்க… அவ ஒன்னும் திறமைச்சாலியோ புத்திச்சாலியோ இல்ல… நீங்க சொன்னதுக்கு மண்டைய ஆட்டுற செம்மறியாடு… உங்களை மாதிரி டேலண்ட் ஆன ஆளுங்களுக்கு முட்டாள்களைத் தானே பிடிக்கும்… அதுலயும் இந்த முட்டாள் உங்களோட தூரத்து ரிலேசன் வேற”

“மைண்ட் யுவர் வேர்ட்ஸ் விஸ்மயா”

எட்வின் உறுமவும் போதும் நிறுத்துங்கள் என்பது போல கையுயர்த்தினாள் விஸ்மயா.

“நீங்க எனக்குப் போட்டோகிராபி கத்து குடுத்த குரு… அந்த மரியாதை எப்பவும் என் மனசுல இருக்கணும்னு ஆசைப்படுறேன்… தயவுப்பண்ணி இவளோட சீப் பிஹேவியருக்குச் சப்போர்ட் செய்யுறேன்னு அதை அழிச்சிடாதிங்க எட்வின் சார்… நானே என் கை காசு போட்டு கரெப்ட் ஆன ட்ரைவ்ல இருந்த டேட்டாவ ரெகவர் பண்ணித் தர்றேன்”

கடுமையான குரலில் கூறியவள் ட்ரைவை எடுத்து தனது ஷோல்டர் பேக்கில் போட்டுக்கொண்டாள்.

“என்னோட ரெசிக்னேசன் லெட்டரை மெயில் பண்ணிடுறேன் சார்… இந்த மன்த் சேலரி எனக்கு வேண்டாம்… சப்போஸ் க்ரெடிட் ஆச்சுனா மொத்தத்தையும் கொண்டு வந்து உங்க முகத்துல எறிஞ்சிடுவேன்”

விஸ்மயாவின் கோபத்தைக் கண்டு எட்வின் வாயடைத்துப் போய்விட்டார். தவறு செய்தால் ஒப்புக்கொள்வது அவளது குணம். இம்முறை இவ்வளவு பிடிவாதமாகக் கூறுகிறாள் என்றால் தவறு நிஷாவின் பெயரில் தான் இருக்கிறதோ என அவர் யோசித்த கணம் விஸ்மயா நிறுவனத்தின் தரிப்பிடத்தில் தனது ஸ்கூட்டியை உதைத்து கிளப்பிக்கொண்டிருந்தாள்.

அவள் கிளம்புவதற்குள் ஜெகன் ஓடோடி வந்து ஸ்கூட்டி முன்னே நின்றான்.

“வழிய விடு ஜெகன்… இதுக்கு மேல என்னால செய்யாத தப்புக்குப் பேச்சு வாங்க முடியாது… சி.சி.டிவிய செக் பண்ணுனா போதும், நிஷாவோட குட்டு வெளிய வந்துடும்… ஆனா எட்வின் சார் அதை செய்ய மாட்டார்… நான் அவரோட ஸ்டாஃப் தான்… அடிமை இல்லை… இன்னைக்கு ஈவ்னிங் தி.நகர்ல இருக்குற டேட்டா ரெகவரி லேப்ல இந்த ட்ரைவை குடுத்து டேட்டாவ ரெகவர் பண்ணப்போறேன்… டேட்டா ரெகவர் ஆனதும் ட்ரைவை வாங்கி நீ ஆபிஸ்ல குடுத்துடு”

“பொறுமையா இருடி… அவ தான் தப்பு செஞ்சானு ப்ரூவ் பண்ண வேண்டாமா?”

“எனக்கு என்ன அவசியம் ஜெகன்? வேண்டுனவங்க தப்பு பண்ணுனாலும் பொறுத்துக்கிட்டுப் போறது தப்பான மேனேஜ்மெண்ட்… அப்பிடி ஒரு மேனேஜ்மெண்டுக்குக் கீழ என்னால ஒர்க் பண்ண முடியாது ஜெகன்… ப்ளீஸ் மூவ் அ லிட்டில்”

ஜெகன் விலகி நிற்கவும் விருட்டென சீறிப் பாய்ந்தது விஸ்மயாவின் ஸ்கூட்டி.

அவள் மனமெங்கும் இந்த மாதம் வங்கியில் வாங்கியிருந்த நகைக்கடனுக்கான தவணையை எப்படி கட்டப்போகிறோமென்ற கவலை.
https://ezhilanbunovels.com/nandhav...ித்யா-மாரியப்பனின்-சுருதியோடு-லயம்-சேரவே.375/
#நித்யாமாரியப்பன்

#சுருதியோடுலயம்சேரவே epi 1 & 2

“இன்னைக்கு உங்க ஸ்டூடியோக்கு ஆக்டர் நிஷாந்த் வந்ததா கேள்விப்பட்டேன்… போட்டோஷூட் எப்பிடி போச்சு?”
“ஹூ நோஸ்மா? என்னமோ நான் அவரை போட்டோ எடுத்த மாதிரில்ல கேக்குற”
விஸ்மயா தோளைக் குலுக்கியபோதே விஷாகா புயலைப்போல வந்து நின்றாள்.
“இந்தக் கேள்விய நீ போட்டோஷூட் பண்ணுன எட்வின் சார் கிட்ட கேக்கணும்… அவரோட எடுபிடி கிட்ட கேட்டா எப்பிடி பதில் வரும்மா?”
தனக்கு உதவமாட்டேன் என்று சொன்ன தங்கையை எள்ளி நகையாடிப் பழி தீர்த்துக்கொண்டாள் விஷாகா.
“நான் எடுபிடினா இந்தம்மா யாராம்? அட்லாண்டிஸ்ல உக்காந்து அவல் பொறிகடலை சாப்பிடுற அல்லக்கைக்குப் பேச்சைப் பாரு”
பதிலடி கொடுப்பதில் தேர்ந்தவள் தான் என நிரூபித்தாள் விஸ்மயா. உண்மையும் அதுவே. விஸ்மயாவிடம் வாயைக் கொடுத்து மீளமுடியாது.
“அட்லாண்டிசோட பெஸ்ட் ஈவெண்ட் ப்ளானர்டி நான்”
விஷாகா சிலிர்த்துக்கொண்டாள்.
“ட்வின் டவர்சோட பெஸ்டஸ்ட் ஸ்டாஃப்டி நான்”
இரு பெண்களும் சண்டைக்கோழிகளாகச் சிலிர்த்துக்கொள்ள வித்யாவின் வ்ளாக் ஷூட்டிங் தடைப்பட்டது.
இரு மகள்களையும் வரவழைத்த புன்னகையோடு பார்த்தார் வித்யா.
“அந்தப் பக்கமா போய் உங்க ஆர்கியூமெண்டை கண்டினியூ பண்ணுங்க தங்கங்களா! அம்மா இன்னைக்கு ‘ஹவ் டு எம்பவர் யுவர் சைல்ட்’னு நியூ வ்ளாக் ஒன்னு ஷூட் பண்ணிட்டிருக்கேன்… டோண்ட் டிஸ்டர்ப் மீ”
விஷாகாவும் விஸ்மயாவும் ஒருவரையொருவர் முறைத்துக் கொண்டார்கள்.
இருவரும் மோவாயைத் தோளில் இடித்துக்கொண்டு அழகு காட்டிவிட்டு அவரவர் அறைக்குள் சென்று அடைபட்டுக்கொண்டனர்.
இரு மகள்களும் சென்றதும் வ்ளாக் ஷூட் செய்ய ஆரம்பித்த வித்யா “இன்னைக்கு ஃப்லிம்ஃபேர் அவார்ட் பாக்கணும்பா” என்று கடைக்குட்டி விபாஷினியின் குரல் மீண்டும் வீடியோ ஷூட்டுக்கு இடையூறாக ஒலிக்கவும் “ஷப்பா” என்று பெருமூச்சு விட்டார்.
வாயிலைத் திரும்பிப் பார்க்காமலே “இன்னும் கொஞ்சநேரம் இவ கூட வாக் போயிருக்கலாமே வினய்… நான் வ்ளாக் ஷூட் பண்ணிருப்பேன்” என்று குறைபட்டார் அவர்.

https://ezhilanbunovels.com/nandhav...ித்யா-மாரியப்பனின்-சுருதியோடு-லயம்-சேரவே.375/
#நித்யாமாரியப்பன்